கட்டுநாயக்க பிரதேசத்தில் கராத்தே வீரர் சுட்டுக் கொலை
கட்டுநாயக்க பிரதேசத்தில் கராத்தே வீரரான 21 வயது இளைஞர் ஒருவர் துப்பாக்கியினால் சுட்டுக் கொலை செய்யப்பட்டுள்ளார்.
இச் சம்பவம் 5-8-2011 அன்று இரவு 7.30 மணியளவில் இடம் பெற்றுள்ளது.
கட்டுநாயக்க, ரயில் நிலைய வீதியை சேர்ந்த சுமிந்த நதீசான் என்ற இளைஞரே கொலை செய்யப்பட்டவராவார்.குறித்த இளைஞர் மலேசியா, சிங்கப்பூர், தாய்லாந்து, ஜப்பான் ஆகிய நாடுகளில் நடைபெற்ற கராத்தே (தைகொண்டா) போட்டிகளில் பங்கு பற்றி பதக்கங்கள் பல பெற்றவராவார்.
சம்பவம் இடம்பெற்ற தினத்தன்று இரவு கட்டுநாயக்க மக்கள் வங்கிக் கிளை அருகில் உள்ள சிகை அலங்கார நிலையமொன்றில் முடிவெட்டச் சென்ற போதே இக் கொலை சம்பவம் இடம் பெற்றுள்ளது.முன் விரோதம் ஒன்று காரணமாவே இக்கொலைச் சம்பவம் இடம்பெற்றுள்ளாதாக ஆரம்ப கட்ட விசாரணைகளின் போது தெரிய வந்துள்ளது.
6-8-2011 சனிக்கிழமை அன்று சம்பவ இடத்துக்கு வந்து நீர்கொழும்பு பிரதான நீதவான் ஏ.எம்,பி அமரசிங்க விசாரணை நடத்தினார்.
No comments:
Post a Comment