Animation

News Podcast

Entertainment

வீடியோ

Saturday, August 18, 2018

ஊடகவியலாளர் எம்.இஸட்.ஷாஜஹனுக்கு 'தமிழ்ச் சுடர்' விருது


ஊடகவியலாளரும் கவிஞரும் எழுத்தாளருமான எம்.இஸட்.ஷாஜஹான் (கலாநெஞ்சன் ஷாஜஹன்)  'தமிழ்ச் சுடர்'  விருது  வழங்கி கௌரவிக்கப்பட்டுள்ளார்.
தடாகம் கலை இலக்கிய வட்டம் கொழும்பு அஞ்சல் சேவைகள் மற்றும் முஸ்லிம் சமய விவகாரங்கள்  அமைச்சிலுள்ள அஞ்சல் அலுவலக தலைமையக் கட்டட  கேட்போர் கூடத்தில்  சனிக்கிழமை  (18-8-2018) நடத்திய பன்னாட்டு படைவிழாவில் கலாநெஞ்சன் ஷாஜஹானுக்கு இந்த விருது வழங்கப்பட்டது.
தடாகம் கலை இலக்கிய வட்டத்தின் அமைப்பாளர் கலைமகள் ஹிதாயா ரிஸ்வி  தலைமையில் நடைபெற்ற நிகழ்வில் புரவலர் ஹாசிம் உமர், குவைத் கவிஞர் வித்தியாசாகர் ஆகியோர் ஷாஜஹானுக்;கு விருதினை வழங்கினர்.

தடாகம் கலை இலக்கிய வட்டம் நடத்திய் பன்னாட்டு படை விழாவும் விருது வழங்கலும்


தடாகம்  கலை இலக்கிய வட்டம் நடத்திய  பன்னாட்டு படை விழா நிகழ்வு நேற்று சனிக்கிழமை (18-8-2018)  கொழும்பு அஞ்சல் சேவைகள் மற்றும் முஸ்லிம் விவகாரங்கள் அமைச்சிலுள்ள அஞ்சல் தலைமையகக் கேட்போர் கூடத்தில் நடைப் பெற்றது.
  தடாகம் கலை இலக்கிய வட்டத்தின் அமைப்பாளர் கலைமகள் ஹிதாயா ரிஸ்வியின் தலைமையில்  காலை 9 மணிமுதல் பிற்பகல் 1.30 மணி வரையும் பின்னர் பிற்பகல் 2 மணிமுதல் 6 மணி வரையும்  இரு அமர்வுகளாக நடைபெற்ற இந்நிகழ்வில் பல்வேறு ஆற்றல்களைக் கொண்ட 60 பேர்  விருது வழங்கி கௌரவிக்கப்பட்டனர்.

Wednesday, August 15, 2018

நீர்கொழும்பு அல் - ஹிலால் மத்திய கல்லூரி பழைய மாணவிகள் சங்கத்தின் திறமைக் கண்காட்சி - 2018



நீர்கொழும்பு அல் ஹிலால் மத்திய கல்லூரியின் பழைய மாணவிகள் சங்கத்தின் ஏற்பாட்டில்  சுய தொழில் முயற்சிகளை மேம்படுத்துவதை மையமாகக் கொண்டு நடாத்தப்பட்ட  கேக் அலங்காரம், சமையல், கை எம்பிராய்டரி மற்றும் ஆடை தயாரித்தல் ஆகிய பாட நெறிகளை நிறைவு செய்த மாணவிகளின் திறமைக் கண்காட்சியும் பரிசளிப்பு விழாவும் கடந்த சனி மற்றும் ஞாயிறு (11.08.2018 - 12.08.2018) தினங்களில் நீர்கொழும்பு  ஜாபிர் நினைவக மண்டபத்தில் நடைப்பெற்றது.
நீர்கொழும்பு அல் - ஹிலால் மத்திய கல்லூரியின் பழைய மாணவிகள் சங்கத்தைச் சேர்ந்த  அனுபவம் மற்றும் தகுதிவாய்ந்த  பயிற்றுவிப்பாளர்களைக் இந்த பயிற்சி நெறி நடத்தப்பட்டது

Saturday, August 4, 2018

நீர்கொழும்பில் தரம் ஐந்து புலமைப் பரிசில் பரீட்சைக்கு தோற்றும் மாணவர்கள் (PHOTOS)


நாடு முழுவதும் அமைக்கப்பட்டுள்ள 3050 பரீட்சை நிலையங்களில்  இன்று ஞாயிற்றுக்கிழமை  (5) நடைபெறும் தரம் ஐந்து புலமைப் பரிசில் பரீட்சைக்கு 3 இலட்சத்து 55 ஆயிரத்து 321 பரீட்சார்த்திகள் தோற்றுகின்றனர். இவர்களில் 87 ஆயிரத்து 556 பேர் தமிழ் மொழி மூலமாக பரீட்சைக்குத் தோற்றும் மாணவர்களாவர்.
நீர்கொழும்பு விஜயரத்தினம் இந்து மத்திய கல்லூரியில் பரீட்சைக்குத் தோற்றும் மாணவர்கள் கடற்கரைத் தெரு  ஸ்ரீ சித்தி விநாயகர் கோயிலில் விசேட பூஜைகளில் கலந்து கொள்வதையும், பாடசாலை முன்பாக மாணவர்களும்

Friday, August 3, 2018

முன்னாள் பிரதி அதிபருக்கு நீர்கொழும்பு விஜயரத்தினம் இந்து மத்திய கல்லூரியின் பழைய மாணவர் மன்றம் நடத்திய சேவை நலன் பாராட்டு விழா (PHOTOS)


நீர்கொழும்பு  விஜயரத்தினம் இந்து மத்திய கல்லூரியில் 15 வருட காலம் பிரதி அதிபராக பணியாற்றி அண்மையில் ஓய்வு பெற்றுச் சென்ற எம். எஸ். எம். முனவ்வரின் சேவை நலன் பாராட்டு நிகழ்வு கடந்த புதன்கிழமை  (1-8-2018) கல்லூரியின் பிரதான மண்டபத்தில் பழைய மாணவர் சங்கத்தின் ஏற்பாட்டில் நடைப்பெற்றது.
பழைய மாணவர் சங்கத்தின் தலைவர் ரெ. சிவலிங்கம் தலைமையில் நடைபெற்ற இந்நிகழ்வில் தொழிலதிபர் பெ. பாரத்குமார் பிரதம விருந்தினராகவும், கல்லூரியின் முன்னாள் அதிபர் என். கணேசலிங்கம், தற்போதைய அதிபர் நா. புவனேஸ்வரராஜா , கல்லூரியின் காப்பாளர்  திருமதி யோகேஸ்வரி  ஜெயம் விஜயரத்தினம், நீர்கொழும்பு இந்து இளைஞர் மன்றத் தலைவர் பொ. ஜெயராமன் ஆகியோர் சிறப்பு விருந்தினர்களாகவும் கலந்து சிறப்பித்தனர்.

Tuesday, July 31, 2018

கல்விப் பணியிலிருந்து ஓய்வு பெறும் திருமதி ராஜரேகரம் ஆசிரியை


 கல்விப் பணியிலிருந்து ஓய்வு பெறுகிறாரா? திருமதி ராஜரேகரம் ஆசிரியர் என்ற கேள்வி ஆசிரியர்கள் மத்தியில் மட்டுமல்ல மாணவர்கள் மத்தியிலும் எழுகின்றது. அந்தளவிற்கு அவரின் இளமைத் துடிப்பாலும், எந்நேரமும் புன்னகை மிளிரும் வசீகரக் குணத்தாலும் அனைவரினதும் உள்ளங்களிலும் இடம் பிடித்துள்ளார் என்பதுதான் உண்மை!
பாடம் கற்பித்தல் என்பது அரிய கலை. தாம் கற்றதை மாணவர் மனதில் பதியும் வகையில் புரியுமாறு எடுத்துரைக்கும் வல்லமை ஆசிரியருக்கு வேண்டும். அத்தகைய திறமை இல்லா ஆசிரியர் நறுமணம் வீசாத கவர்ச்சியாக விளங்கும் காசிப் பூவுக்குச் சமம் என்பார் திருவள்ளுவர். ஒரு நல்லாசிரியனுடைய இலக்கணத்தை பதின்மூன்றாம் நூற்றாண்டின் தொடக்கத்தில் வாழ்ந்த பவணந்தி முனிவர் தான் இயற்றிய நன்னூல் என்னும் இலக்கண நூலில் பதிவு செய்கிறார்.

Sunday, July 29, 2018

இலங்கை அஹ்மதியா முஸ்லிம் ஜமாஅத் வெளியிட்டுள்ள அல்குர் ஆனின் சிங்கள மொழி பெயர்ப்பு அமைச்சர் அர்ஜுன ரணதுங்கவிடம் கையளிப்பு (PHOTOS)


   இலங்கை அஹ்மதியா முஸ்லிம் ஜமாஅத் வெளியிட்டுள்ள  அரபி மூலத்துடன் அல்குர் ஆனின் சிங்கள மொழி பெயர்ப்பு  பிரதி , அஹ்மதியா முஸ்லிம் ஜமாஅத்தின் தற்போதைய கலீபா ஹஸ்ரத் மிர்ஸா மஸ்ரூர் அஹ்மத் அவர்களால் பல்வேறு நாடுகளின் பாராளுமன்றங்களில் நிகழ்த்தப்பட்ட உலக சமாதானம் தொடர்பான வரலாற்றுச் சிறப்புமிக்க  உரைகளின் தொகுப்பாகிய  World Crisis and tha pathway to peace  என்ற  நூலின் சிங்கள மொழி பெயர்ப்பு ஆகியவற்றின் பிரதிகள் பெற்றோலிய வள அபிவிருத்தி அமைச்சர் அர்ஜுன ரணதுங்கவிடம்  கடந்த புதன்கிழமை  (25-7-2018)  கையளிக்கப்பட்டது.

Friday, July 27, 2018

நாடகம் பயில வந்த மாணவனை பாலியல் துஸ்பிரயோகம் செய்த குற்றச்சாட்டில் கைது செய்யப்பட்ட ஆசிரியருக்கு விளக்கமறியல்


தரம் ஆறில் கல்வி கற்கும் மாணவர் ஒருவரை பாலியல் துஸ்பிரயோகம் செய்ததாக கூறப்படும் ஆங்கில பாட ஆசிரியரை எதிர்வரும் செவ்வாய்க்கிழமை (31) வரை விளக்கமறியலில் வைக்குமாறு நீர்கொழும்பு பதில் நீதவான் நெல்சன் பி குமார நாயக்க நேற்று வெள்ளிக்கிழமை (27) உத்தரவிட்டார்.
நீர்கொழும்பு,  பிட்டிபனை பிரதேசத்தில் உள்ள பாடசாலை ஒன்றில்  ஆங்கில பாட ஆசிரியராக பணியாற்றும் ரத்தொழுவ முத்துவாடிய வீதியைச் சேர்ந்த  சந்தேக நபரே விளக்கமறியலில் வைக்குமாறு உத்தரவிடப்பட்டவராவார்.

Tuesday, July 17, 2018

மோட்டார் சைக்கிளில் சென்று வீதியில் செல்லும் பெண்களின் நகைகளை கொள்ளையிட்டு வந்த இருவர் மக்களின் உதவியுடன் நீர்கொழும்பு பொலிஸாரால் கைது 120 கிரேம் நகை மற்றும் மோட்டார் சைக்கிள் கைப்பற்றல்


மோட்டார் சைக்கிளில் சென்று வீதியில் செல்லும் பெண்களின் நகைகளை கொள்ளையிட்டு வந்த  இருவரை  பொது மக்களின் உதவியுடன்  கைது செய்துள்ளதாகவும் , கொள்ளையிடப்பட்ட நகைகளில் 15 பவுண் நகைகள் கைப்பற்றப்பட்டுள்ளதாகவும், கொள்ளைக்கு பயன்படுத்திய மோட்டார் சைக்கிள்கள் இரண்டு கைப்பற்றப்பட்டுள்ளதாதகவும் நீர்கொழும்பு ஊழல் ஒழிப்புப் பிரிவு பொலிஸார் இன்று  (17) தெரிவித்தனர்.
பமுனுகம, போப்பிட்டிய ஆகிய பிரதேசங்களைச் சேர்ந்த 34 வயது மற்றும் 40 வயதுடைய இரு நபர்களே நேற்று திங்கட்கிழமை (16) கைது செய்யப்பட்டுள்ள  சந்தேக நபர்களாவர்.  சந்தேக நபர்கள் போதைப் பொருளுக்கு அடிமையானவர்கள்

Friday, July 13, 2018

விஜயரத்தினம் இந்து மத்தியக் கல்லூரியின் மாணவர் தலைவர்களுக்கு சின்னம் சூட்டும் விழா


நீர்கொழும்பு விஜயரத்தினம் இந்து மத்தியக் கல்லூரியின் மாணவர் தலைவர்களுக்கு சின்னம் சூட்டும் விழா கடந்த வெள்ளிக்கிழமை (6-7-2018) பாடசாலை மண்டபத்தில் நடைப்பெற்றது.
கல்லூரி அதிபர் எம். புவணேஸ்வர ராஜா தலைமையில் நடைபெற்ற இந்நிகழ்வில் முல்லைதீவு வலய ஓய்வு பெற்ற  முன்னாள் பணிப்பாளர் எம்.ராஜ்குமார், நீர்கொழும்பு வலய ஓய்வு பெற்ற முன்னாள் பிரதிக் கல்விப் பணிப்பாளர் (திட்டமிடல்) திருமதி ரமணி டி  சில்வா ஆகியோர் பிரதம விருந்தினர்களாக கலந்து சிறப்பித்தனர்.

Sunday, July 8, 2018

மோட்டார் சைக்கிள்களை கொள்வனவு செய்வது போன்று நடித்து திருடி விற்பனை செய்த நபர் கைது: 13 மோட்டார் சைக்கிள்கள் கைப்பற்றல்


 மோட்டார் சைக்கிள் விற்பனை  தொடர்பான இணையத்தளங்களில் இடம்பெறும் விளம்பரங்களை பார்வையிட்டு  விளம்பரங்களை வெளியிட்ட நபர்களின் வீடுகளுக்குச்  சென்று மோட்டார் சைக்கிள்களை கொள்வனவு செய்வது போன்று நடித்து ஏமாற்றி அந்த மோட்டார் சைக்கிள்களை கடத்திச் சென்று விற்பனை செய்து வந்த நபர் ஒருவரை  கைது செய்துள்ளதாக நீர்கொழும்பு பிராந்திய பொலிஸ் அத்தியட்சகர் அலுவலகத்தைச் சேர்ந்த சட்டத்தை நிலை நிறுத்தும் பிரிவு பொலிஸார் தெரிவித்தனர்.

Monday, June 18, 2018

33 வருட கால ஆசிரிய சேவையிலிருந்து ஓய்வு பெறும் திருமதி எம்.ஏ.சில்வாவுக்கு சேவை நலன் பாராட்டு விழா


  ஆசிரியர் சேவையில் 33 வருட காலம் பணியாற்றி ஓய்வு பெற்ற  நீர்கொழும்பு கல்வி வலய ஆசிரிய ஆலோசகர் திருமதி மேரி அனஸ்டீன் சில்வாவை  கௌரவிக்கும் நிகழ்வு நேற்று திங்கட்கிழமை (18-6-2018) நீர்கொழும்பு வெலிஹேன ரோமன் கத்தோலிக்க தமிழ் வித்தியாலயத்தில் பாடசாலை அதிபர் எம்.இஸட். ஷாஜஹான் தலைமையில் நடைப்பெற்றது.
பாடசாலையில் இடம்பெற்ற  கௌரவிப்பு நிகழ்வுக்கு முன்னதாக வெலிஹேன கைத்தான் தேவாலயத்தில் ஓய்விற்கான நன்றித் திருப்பலி நடைபெற்றது. அருட் தந்தை எல். றோயிஸ்டன் ஜெயராஜ் பெர்னாந்துபுள்ளே நன்றித் திருப்பலியை நடத்தினார்.

Sunday, June 17, 2018

நீர்கொழும்பு , ஜா – எல பிரதேசங்களில் வங்கி ஏ.ரி.எம் இயந்திரங்களில் 74 இலட்சம் ரூபா பணத்தை கொள்ளையிட்ட பிரதான சந்தேக நபர் உட்பட இருவர் கைது


நீர்கொழும்பில் அமைந்துள்ள  நவீன சுப்பர் மார்க்கட்டில் பொருத்தப்பட்டுள்ள ஏ.ரி.எம் இயந்திரத்திலிருந்து 47 இலட்சம் ரூபா பணத்தையும், ஜா- எல பிரதேசத்தில்; அமைந்துள்ள  வங்கியொன்றின் ஏரிம் இயந்திரத்திலிருந்து 27 இலட்சம் ரூபா பணத்தையும் சூட்சுமமான முறையில் திருடிய பிரதான சந்தேக நபரையும் அவருக்கு உதவியாக இருந்தவரையும் நேற்று சனிக்கிழமை கைது செய்துள்ளதாக நீர்கொழும்பு பொலிஸ் நிலைய குற்றப்புலனாய்வு பிரிவு பொலிஸார் தெரிவித்தனர்.
பிரதான சந்தேக நபர் நீர்கொழும்பு அங்குருகாரமுல்ல பிரதேசத்தில் வசிக்கும் 26 வயதுடைய இளைஞராவார். அவருக்கு உதவியாக இருந்தவரும் குரணை பிரதேசத்தைச் சேர்ந்த 26 வயதுடைய இளைஞரவார் என பொலிஸார் தெரிவித்தனர்.

சிறைச்சாலையில் தடுத்து வைக்கப்பட்டுள்ள கைதியின் உத்தரவுக்கு அமைய போதைப் பொருள் விநியோகம் செய்து வந்த நபர் கைது: 25 இலட்சம் ரூபா பெறுமதியான 122 கிராம் ஹெரோயின் கைப்பற்றல்


 25 இலட்சம் ரூபா பெறுமதியான 122 கிராம் ஹெரோயின் போதைப் பொருளுடன் சந்தேக நபர் ஒருவரை  நீர்கொழும்பில் வைத்து  நேற்று சனிக்கிழமை கைது செய்யதள்ளதாக நீர்கொழும்பு ஊழல் ஒழிப்புப் பிரிவு பொலிஸார் தெரிவித்தனர்.
கைது செய்யப்பட்ட நபர் திவுலப்பிட்டிய பிரதேசத்தைச் சேர்ந்த 47 வயதுடைய நபராவார். பொலிஸாருக்குக் கிடைத்த தகவல் ஒன்றை அடுத்து சந்தேக நபர் போதைப் பொருளை விநியோகிப்பதற்காக சென்று கொண்டிருக்கும் போது கைது செய்யப்பட்டுள்ளார்.
சந்தேக நபரிடமிருந்து போதைப் பொருட்களையும், போதைப் பொருள் விநியோகம் செய்வதறகு பயன்படுத்திய மோட்டார் சைக்கிள் ஒன்றையும்

Saturday, June 16, 2018

நீர்கொழும்பு மற்றும் பஸ்யாலையில் நோன்புப் பெருநாள் தொழுகை (PHOTOS)


நீர்கொழும்பு நகரில் வாழும் முஸ்லிம்கள் இன்று  சனிக்கிழமை நோன்புப் பெருநாளை விமர்சையாக  கொண்டாடினர். பள்ளிவாசல்களில் விசேட பெருநாள் குத்பா மற்றும் தொழுகைகள் இடம்பெற்றன.
பெரியமுல்லையில் அமைந்துள்ள  அஹ்மதியா முஸ்லிம் பள்ளிவாசலில்  மௌலவி தாஹிர் அஹ்மத் தலைமையில் பெருநாள் குத்பா மற்றும் தொழுகை இடம் பெற்றது. தொழுகையின் பின்னர் ஒருவருக்கொருவர் பெருநாள் வாழ்த்துக்களை தெரிவித்துக் கொண்டனர்.
இந்நிகழ்வில் பெரும் எண்ணிக்கையானோர் பங்குபற்றினர்.