ஆசிய கனிஷ்ட மெய்வல்லுனர் போட்டித் தொடரில் தங்க பதக்கம் வென்ற துலாஜ் மதுசங்கவுக்கு நீர்கொழும்பு மாநகரசபை வரவேற்பு

15 வது ஆசிய கனிஷ்ட மெய்வல்லுனர் போட்டித் தொடரில் 400 மீற்றர் ஓட்ட போட்டியில் தங்க  பதக்கம் வென்ற துலாஜ் மதுசங்கவுக்கு நீர்கொழும்பு மாநகரசபை பெரு வரவேற்பளித்தது.

வரவேற்பு நிகழ்வு கடந்த புதன்கிழமை (13-6-2012) இடம்பெற்றது. நீர்கொழும்பு மாநகர மேயர் அன்ரனி ஜயவீர மற்றும் மாநகர சபை உறுப்பினர் தயான் லான்ஸா தலைமையிலான குழுவினர் இதனை ஏற்பாடு செய்திருந்தனர்.

பஸ்யால மகா வித்தியாலயத்தில் கல்வி பயிலும் துலாஜ் மதுசங்கவுக்கு நீர்கொழும்பு நகர பாடசாலைகளைச் சேர்ந்த மாணவர்களும் வாழ்த்து தெரிவித்தனர் .