கொச்சிக்கடையில் இடம்பெற்ற மோட்டார் பந்தய போட்டியில் ஒருவர் மரணம்; மேலும் ஒருவர் படுகாயம்

கொச்சிக்கடையில் ஒவிட்டியாவத்தையில் இடம்பெற்ற மோட்டார் பந்தய போட்டியில் ஏற்பட்ட விபத்தில் ஒருவர் மரணமடைந்ததுடன் மேலும் ஒருவர் படுகாயமடைந்துள்ளார்.அத்துடன் மேலும் இருவர் அதிர்ச்சியடைந்த நிலையில் நீர்கொழும்பு வைத்தியசாலையில்

அனுமதிக்கப்பட்டுள்ளனர்.

இந்த விபத்துச் சம்பவம் இன்று பிற்பகல் இடம்பெற்றது.

மோட்டார் பந்தய போட்டியை வீடியோ செய்து கொண்டிருந்த பார்வையாளர்களான இரு இளைஞர்களே சம்பவத்தில் பலியாகியுள்ளதுடன் படுகாயமடைந்துள்ளனர்.

மேலும் இரு இளைஞர்கள் சம்பவத்தை நேரில் கண்ட அதிர்ச்சியில் நிர்கொழும்பு வைத்தியசாலையில் அனுமதிக்கப்பட்டுள்ளனர்.

பாணந்துறையை  பக்ககம ஸ்ரீதேவானந்த வத்தையை  சேர்ந்த இரேஸ் எரங்க என்ற 22 வயதுடைய இளைஞரே சம்பவத்தில் பலியானவராவார். பாணந்துறை பின்வத்தை பிரதேசத்தை சேரந்த அனுராத உதயந்;த பெரேரா (22 வயது) என்ற இளைஞரே படுகாயமடைந்த நிலையில் கொழும்பு தேசிய வைத்தியசாலையில் அனுமதிக்கப்பட்டுள்ளார்.

போட்டியின் போது குழியில் விழுந்து மேலே வரமுடியாமல் இருந்த ஜீப் வண்டியை மேலே எடுப்பதற்காக மேலும் ஒரு ஜீப் வண்டி கேபள் ஒன்றினை பயன்படுத்தி  இழுத்த போது அந்த கேபள் உடைந்து மேலெழுந்து வந்து பந்தயத்தை வீடியோ செய்து கொண்டிருந்த இரு இளைஞர்கள் மீது மோதி இந்த விபத்து இடம்பெற்றுள்;ளது.

கொச்சிக்கடை பொலிஸார் இச்சம்பவம் தொடர்பாக விசாரணைகளை மேற்கொண்டுள்ளனர்.