கசினோவுக்கு எதிராக சீதுவையில் ஆர்ப்பாட்டப் பேரணி

சீதுவை பிரதேசத்தில் அமைக்கப்பட்டுள்ள கசினோ சூதாட்ட நிலையங்களுக்கு எதிராக நேற்று (1) காலை பிரதேசவாசிகள் ஆர்ப்பாட்டப் பேரணியில்; ஈடுபட்டனர்.

சீதுவை பள்ளிய சந்தி கொட்டுகொட வீதியில்;  காலை 9 மணி முதல் 10 மணிவரை இடம்பெற்ற இந்த ஆர்ப்பாட்டப் பேரணியில் பெரும் எண்ணிக்கையான ஆண்களும் பெண்களும் மற்றும் சிறுவர்களும் பங்குபற்றினர்.

சீதுவை கத்தோலிக்க மெத்தடிஸ் தேவாலயத்தைச் சேர்ந்த அருட்தந்தையரின் வழி நடத்தலில் பிரதேசவாசிகள்  ஆர்ப்பாட்டத்தில் ஈடுபட்டு கசினோவுக்கு எதிராக கோசங்களை எழுப்பியதுடன் சுலோக அட்டைகளையும் ஏந்தியிருந்தனர்.

சீதுவை பிரதேசத்தில் கசினோ சூதாட்ட நிலையங்கள் சில செயற்படுவதன் காரணமாக பிரதேசத்தைச் சேரந்த இளைஞர்களும் யுவதிகளும் சூதாட்டம் மற்றம் விபசாரத்தில் ஈடுபடக் கூடிய அபாயம் ஏற்பட்டுள்ளதாகவும், இதனை தவிர்ப்பதற்காக உரிய அதிகாரிகள் உடனடியாக நடவடிக்கை எடுக்க வேண்டும் என்பதே ஆர்ப்பாட்டத்தில் ஈடுபட்ட பிரதேசவாசிகளின் கோரிக்கையாக இருந்தது.

 அண்மையில் இந்த பிரதேசத்தில்  இயங்கும் கசினோ நிலையத்திலிருந்து 21 யுவதிகள் விபசாரத்தில் ஈடுபட்ட குற்றச்சாட்டு தொடர்பாக கைது செய்யப்பட்டதாக பிரதேசவாசிகள் தெரிவித்தனர்.