துவிச்சக்கர வண்டி - வேன் விபத்தில் 64 வயது நபர் பலி : நீர்கொழும்பு பெரியமுல்லையில் சம்பவம்

துவிச்சக்கர வண்டி மீது வேன் மோதியதில் துவிச்சக்கர வண்டியில் பயணித்த வயோதிபர் ஸ்தலத்திலேயே மரணமானார்.

இச்சம்பவம் நீரகொழும்பு பெரியமுல்லை. ஜும்மா மஸ்ஜித் வீதியில் ஜும்மா பள்ளிவாசல் அருகில் நேற்று திங்கட்கிழமை இரவு 10 மணியளவல் இடம்பெற்றது.

இந்த விபத்தில் பெரியமுல்லை, லாஸரஸ் வீதியைச் சேர்ந்த ஸாஹுல்

ஹமீத் முஹம்மத் ஜவ்பர் என்ற 64 வயது நபரே பலியானவராவார். இவர் நான்கு பிள்ளளைகளின் தந்தையாவார்.

இந்த விபத்தில் துவிச்சக்கர வண்டிக்கு சேதம் ஏற்பட்டுள்ளது.

 சம்பவத்தை அடுத்து வேன் சாரதியான பெரியமுல்லை ஜும்மா மஸ்ஜித் வீதியைச் சேர்ந்த முஹம்மத் உவைஸ் என்பவர் பொலிஸாரால் கைது செய்யப்பட்டுள்ளார்.

நோன்புப் பெருநாளைக்காக பெரியமுல்லை பிரதேசவாதசிகள் தயாராகிக் கொண்டிருந்த நிலையிலேயே இந்த விபத்து இடம்பெற்றது. விபத்துச் சம்பவத்தை அடுத்து பெரும் எண்ணிக்கையானோர் அங்கு திரண்டதால் அங்கு வாகன நெரிசல் ஏற்பட்டது.

நீர்கொழும்பு பொலிஸார் இந்த விபத்து  தொடர்பாக விசாரணை மேற்கொண்டு வருகின்றனர்.