ஆண்டி அம்பலம சிறிய முன்னேஸ்வரம் தேவாலயத்தின் பிரதான பூசாரி மோட்டார் சைக்கிளில் வந்த நபர்களால் நள்ளிரவில் கடத்தல்

 நீர்;கொழும்பு ஆண்டி அம்பலம  பிரதேசத்தில அமைந்துள்ள சிறிய முன்னேஸ்வரம் கோயிலின் பிரதான பூசகர் (கப்பு மாத்தயா) மோட்டர் சைக்கிளில் வந்த இரண்டு நபர்களால் நேற்று திங்கட்கிழமை நள்ளிரவு 12.30 மணியளவில் கடத்தப்பட்டுள்ளதாக நீர்;கொழும்பு பொலிஸார் தெரிவித்தனர்.

ஆண்டி அமபலம , அசோக்காராம வீதியிர் அமைந்துள்ள புஞ்சி முன்னேஸ்வரம் கோயிலின் பிரதான பூசாரியான வர்ணகுலசூரிய கம்கானாம்லாகே மனோஜ் துலாஞசன் என்பவரே கடத்தப்பட்டவராவார்.

இது தொடர்பாக கடத்தப்பட்ட  பூசாரியின் மனைவியான மல்காந்தி என்பவர் பொலிஸ் நிலையத்தில் செய்த முறைப்பாட்டின் மூலம் மேலும் தெரிய வருவதாவது.

கடத்தப்பட்ட பூசகர் நேற்று திங்கட்கிழமை இரவு தேவாலய வேலைகள் முடிவடைந்து தனது மனைவி மற்றும் இரண்டு பிள்ளைகளுடன் தனது வாகனத்தில் வீட்டுக்கு சென்று கொண்டிருக்கும் போது, இடைநடுவில் வைத்து மோட்டார் சைக்கிளில் வந்த முகமூடி நபர்கள் வாகனத்தை மறித்துள்ளனர். இதன்போது புசாரி வாகனத்தின் கதவை திறந்தள்ளார்.

இதனை அடுத்து  கறுப்பு நிற உடை அணிந்து வந்த அந்த இனந்தெரியாத நபர்கள் பூசாரியை தாம் வந்த மோட்டார் சைக்கிளில் கடத்திச் சென்றுள்னர.;

கடத்தப்பட்ட நபருக்கு காணி மற்றும் பணம் தொடர்பான பிரச்சினைகள் இருப்பதாகவும் விசாரணைகளின் போது தெரிய வந்துள்ளது.

இச்சம்பவம் தொடர்பாக நீர்கொழும்பு பொலிஸார் விசாரணைகளை மேற்கொண்டுள்ளனர்.