நீர்கொழும்பு விஸ்டம் கல்லூரியின் வருடாந்த இல்ல விளையாட்டுப் போட்டி (Photos)

நீர்கொழும்பு விஸ்டம்  கல்லூரியின்  வருடாந்த இல்ல விளையாட்டுப் போட்டி  கடந்த வியாழக்கிழமை (18-2-2016)    நீர்கொழும்பு அல் ஹிலால் மத்திய    கல்லூரி  மைதானத்தில் பாடசாலை அதிபர்   எம். சலீம் தலைமையில்  நடைபெற்றது.

அல் ஹிலால் மத்திய கல்லூரியின் முன்னால் உதைப்பந்தாட்ட பயிற்றுவிப்பாளர் எம்.இஸட்.ஏ தாஜுதீன்  இந்நிகழ்வில் பிரதம அதிதியாகக் கலந்து சிறப்பித்தார்.

மேல் மாகாண சபை உறுப்பினர் ஷாபி றஹீம், நீர்கொழும்பு மாநகர சபை உறுப்பினர்களான பரீஸ், இஹ்சான் மற்றும் நீர்கொழும்பு அல் ஹிலால் மத்திய கல்லூரி அதிபர் பௌமி  ஆகியோர் இந்நிகழ்வில் கௌரவ அதிதிகளாக கலந்து சிறப்பித்தனர்.

இந்நிகழ்வில் மாணவர்களின் விளையாட்டுப் போட்டிகள், அணி நடை நிகழ்ச்சி, விநோத உடைப் போட்டி மற்றும் பெற்றோர்களுக்கான கயிறிழுத்தல் நிகழ்ச்சி  என்பன இடம்பெற்றன.  வெற்றிபெற்ற மாணவர்களுக்கும், வெற்றி பெற்ற இல்லங்களுக்கும் அதிதிகளால் பரிசில்கள் வழங்கப்பட்டன.

நீர்கொழும்பு முஸாதிக் முஜீப்