நீர்கொழும்பு நகரில் ஆறு வாகனங்கள் ஒன்றுடன் ஒன்று மோதி விபத்து

நீர்கொழும்பு – கொழும்பு பிரதான வீதியில் நீர்கொழும்பு மாநகர சபைக்கு முன்பாக நேற்று வெள்ளிக்கிழமை (11) மாலை ஆறு வாகனங்கள்  ஒன்றுடன்  ஒன்று மோதி  விபத்து இடம்பெற்றது.

வெயாங்கொடையிலிருந்து  நீர்கொழும்பு நோக்கி வந்து கொண்டிருந்த இலங்கை போக்குவரத்து சபை பஸ் வண்டி நீர்கொழும்பு மாநகர சபைக்கு முன்பாக உள்ள வீதி சமிக்ஞை விளக்கில் நின்று கொண்டிருந்த சிறிய ரக டிப்பர் வண்டியில் மோதியுள்ளது. அந்த  சிறிய ரக டிப்பர் வண்டி முன்னால் நின்ற வேனிலும் வேனுக்கு அருகில் நின்ற மோட்டார் சைக்கிளிலும், 

முச்சக்கர வண்டியிலும் மோதியுள்ளது.  பின்னர் வேன் முன்னாள் நின்ற காரில் மோதியுள்ளது. இவ்வாறு ஆறு வாகனங்கள் ஒன்றுடன் ஒன்று மோதி இந்த விபத்து இடம்பெற்றுள்ளது. ஆயினும் தெய்வாதீனமாக உயிராபத்து இடம்பெறவில்லை.  வாகனங்களுக்கு சிறிய சேதங்கள் ஏற்பட்டுள்ளன.

இந்த விபத்தின் காரணமாக பெரும் வாகன நெரிசல் ஏற்பட்டது. நீர்கொழும்பு போக்குவரத்து பொலிஸார் சம்பவ இடத்துக்கு வந்து விபத்துக்குள்ளான வாகனங்களை வீதியில் இருந்து அகற்ற நடவடிக்கை எடுத்ததுடன்  விபத்து தொடர்பாக விசாரணை மேற்கொண்டனர்.