கசிப்பு தயாரிப்பில் ஈடுபட்ட சந்தேக நபர்கள் இருவர் கைது : கசிப்பு மற்றும் உபகரணங்கள் மீட்பு

)கொச்சிக்கடை பொலிஸ் பிரிவிற்குட்பட்ட வெலிஹேன பிரதேசத்தில் நீண்ட காலமாக இயங்கி வந்த கசிப்பு தயாரிப்பு நிலையத்தை  சுற்றிவளைத்து இரண்டு சந்தேக நபர்களை கொச்சிக்கடை பொலிஸார் கைது செய்துள்ளதோடு சட்டவிரோத கசிப்பு மற்றும் கசிப்பு தயாரிக்கப் பயன்படுத்தப்பட்ட உபகரணங்களை  கடந்த ( 9 ) வெள்ளிக்கிழமை கைப்பற்றியுள்ளனர்.

கொச்சிக்கடை பொலிஸ் நிலைய பதில் பொறுப்பதிகாரி பொலிஸ் பரிசோதகர் ஏ.எம்.மவ்சூனுக்கு கிடைத்த தகவல் ஒன்றின் அடிப்படையில் மேற்கொள்ளப்பட்ட சுற்றிவளைப்பின் போது வெலிஹேன விளையாட்டு மைதானம் முன்பாக  உள்ள  காட்டுப் பகுதியில் நீண்ட காலமாக செயற்பட்டு வந்த கசிப்பு தயாரிப்பு நிலையம் சுற்றி வளைக்கப்பட்டுள்ளது.

41250 மில்லி லீட்டர் கசிப்பு, 2250 லீட்டர் கோடா, கேஸ் அடுப்பு, கேஸ் சிலின்டர், கசிப்பு தயாரிக்கப் பயன்படுத்தும் உபகரணம்,  கலன்கள என்பவறறை சுற்றிவளைப்பின்போது பொலிஸார் கைப்பற்றியுள்ளனர்.

கொச்சிக்கடை ஏத்கால பிரதேசத்தைச் சேர்ந்த குருகுலசூரிய டிலந்த,  வெலிஹேனவைச்; சேர்ந்த ரொசான் இந்திக பெர்னாந்துபுள்ளே ஆகியோரே கைது செய்யப்பட்ட சந்தேக நபர்களாவர்.