அல்பலாஹ் மகா வித்தியாலயத்தில் தரம் 1 இற்கு மாணவர்களை அனுமதிக்கும் நிகழ்வு

நீர்கொழும்பு கல்வி வலயத்தைச் சேர்ந்த கொச்சிக்கடை அல்பலாஹ் மகா வித்தியாலயத்தில் தரம் 1 இற்கு மாணவர்களை  அனுமதிக்கும்  நிகழ்வு பாடசாலை அதிபர் ஜனாப் எம்.எம்.எம்.கஸ்ஸாலி தலைமையில்  (17-1-2019) நடைபெற்றது.

 இந்த நிகழ்வில் கடந்த வருடம் 2018 ஆம் ஆண்டு தரம் 5 புலமைப்பரிசில் பரீட்சையில் 177 புள்ளிகள் பெற்று  சித்தியடைந்து கல்லூரிக்கு பெருமை சேர்த்த மாணவி செல்வி எம். ஜே.எப்.ஹன்பா   சிறப்பதிதியாக  கலந்து
சிறப்பித்தமை விஷேட அம்சமாகும். அந்த மாணவி   மாலை சூடி ஊர்வலமாக அழைத்து வரப்பட்டு கௌரவிக்கப்பட்டார்.

இந்த நிகழ்வில்  உதவி அதிபர்  எம்.ஜே.எப்.அஜ்மல், ஆசிரியர்கள், பெற்றோர்கள் உட்பட பலரும் கலந்து கொண்டனர். நிகழ்வில் தரம் 2 மாணவர்களின் கலைநிகழ்ச்சிகளும் இடம்பெற்றன.