மோட்டார் சைக்கிள்விபத்தில் இருவர் பலி

இரண்டு மோட்டார் சைக்கிள்கள் ஒன்றோடொன்று மோதியதில் ஏற்பட்ட விபத்தில் இருவர் பரிதாபகரமாக மரணத்தை தழுவயுள்ளதாக நீர்கொழும்பு மாவட்ட வைத்தியசாலை பொலிஸார் தெரிவித்தனர்.

இச்சம்பவம் இன்று காலை 7.30 மணியளவில் கட்டுநாயக்கா நைகந்த பிரதேசத்தில் இடம்பெற்றுள்ளது

மையங்கன பிரதேசதத்தை சேர்ந்த தினேஸ் ருவன் ரத்நாயக்க (24 வயது) ரத்நாயக்க முதலியான்ஸலாகே பிரியந்த லால் (28 வயது) ஆகியோரே சம்பவத்தில் பலியானவர்களாவர். மேசன் வேலை செய்யும் இவர்கள் இருவரும் உறவினர்களாவர் என பொலிஸார் மேலும் தெரிவித்தனர்.

கட்டுநாயக்க பிரதேசத்தில் தங்கியிருந்து வேலை செய்யும் இவர்கள் அக்கரபணக பிரதேசத்தில் வீடொன்றை கட்டும் பணியில் ஈடுபட்டு வந்துள்ளனர். இன்று காலை மோட்டார் சைக்கிள் ஒன்றில் இருவரும் அந்த வீட்டை கட்டும் பணியில் ஈடுவதற்காக சென்ற போதே எதிர்திசையில் வேகமாக வந்த மோட்டார் சைக்கிள் ஒன்றில் மோதி இருவரும் மரணமாகியுள்ளனர்.

இருவரது சடலங்களும் நீர்கொழும்பு வைத்தியசாலையில் பிரேத பரிசோதனைக்காக வைக்கப்பட்டுள்ளன.