நீர்கொழும்பு கோட்ட பாடசாலை மாணவர்களுக்கான கலை கலாசார மற்றும் கற்றல் திறன் போட்டிகளின் பரிசளிப்பு நிகழ்வு

நீர்கொழும்பு கோட்ட பாடசாலைகளின் ஆரம்பப்பிரிவு மாணவர்களுக்கான கலை கலாசார மற்றும் கற்றல் திறன் சார்ந்த போட்டிகளின் பரிசளிப்பு நிகழ்வு இன்று வெள்ளிக்கிழமை நீர்கொழும்பு ஆவேமரியாள்  மகளிர் கல்லூரியில் இடம் பெற்றது.

இந்நிகழ்வில் வலயக் கல்விப்பணிப்பாளர் ஸ்ரீ லால் நோனிஸ் பிரதம அதிதியாகக் கலந்து கொண்டார். நீர்கொழும்பு கோட்டப் பணிப்பாளர் பி.சி.பி.பெர்னாந்துவின் தலைமையில் நடைபெற்ற இந்நிகழ்வில் கல்விப் பணிப்பாளர்கள் பாடசாலை அதிபர்கள் ஆசிரியர்கள்  உட்பட பெரும் எண்ணிக்கையான மாணவர்கள் கலந்து கொண்டனர்.

சிறுவர் பாடல், ஆடல் , நடிப்பு , அறிவிப்பு , உருப்பெழுத்து,  பேச்சு , சித்;திரம், கையெழுத்து, கட்டுரை எழுதுதல், கணிதம், மும்மொழி ஆற்றல், உட்பட பல்வேறு போட்டி நிகழச்சிகளில் வெற்றி பெற்ற மாணவர்களுக்கு நிகழ்வில் சான்றிதழ் வழங்கப்பட்டது. அத்துடன் , மாணவர்களின் கலை நிகழ்ச்சிகளும் அங்கு இடம்பெற்றன.