நபி பெருமானாரை இழிவுபடுத்தும் திரைப்படத்திற்கு எதிர்ப்பு தெரிவித்து இன்று நீர்கொழும்பு நகரில் எதிர்ப்பு பேரணியும் கதவடைப்பும்

 நபி பெருமானாரை இழிவுபடுத்தும் வகையில் அமெரிக்காவில் வெளியிடப்பட்டுள்ள திரைப்படத்திற்கு எதிர்ப்பு தெரிவித்து இன்று வெள்ளிக்கிழமை ஜும்மா தொழுகையின் பின்னர் நீர்கொழும்பு நகரில் பேரணியும் கதவடைப்பும் இடம்பெற்றது.

  எதிர்ப்பு பேரணி பெரியமுல்லை பெரிய பள்ளிவாசலின் முன்பாக ஆரம்பமாகி நகர மத்தியில் அமைந்துள்ள மணிக் கூட்டு கோபுரம் அருகே சென்று அங்கு விஷேட கூட்டம் இடம்பெற்றது.

நகரில் உள்ள அனைத்து பள்ளிவாசல்களிலும் ஜும்மா தொழுகை இடம்பெற்ற பின்னர் பெரியமுல்லை பெரிய பள்ளிவாசலின் முன்பாக முஸ்லிம்கள் ஒன்று கூடி இந்த அமைதிப் பேரணி இடம்பெற்றது. இதில் பல நூற்றுக்கணக்கனோர் பங்குபற்றினர்

 இதேவேளை, நபி பெருமானாரை இழிவுபடுத்தும் வகையில் வெளியிடப்பட்டுள்ள திரைப்படத்திற்கு எதிர்ப்பு தெரிவித்து ஜும்மா தொழுகையின் பின்னர்  நீர்கொழும்பு நகரில் உள்ள சகல முஸ்லிம் கடைகளும் மூடப்பட்டன.அத்துடன் கறுப்பு கொடிகள் பறக்கவிடப்பட்டன.

இந்த பேரணியை நீர்கொழும்பு பள்ளிவாசல்கள் சம்மேளனம் ஏற்பாடு செய்திருந்தது.