அகில இலங்கை தமிழ் மொழித் தினப் போட்டியில் விஜயரத்தினம் இந்து மத்தியக் கல்லூரி மாணவி பாத்திமா இஷ்ராவுக்கு முதலாமிடம்

இவ்வருடம் நடைபெற்ற அகில இலங்கை தமிழ் மொழித் தினப் போட்டியில்  நீர்கொழும்பு விஜயரத்தினம் இந்து மத்தியக் கல்லூரி மாணவி செல்வி எம்.ஐ.எம்.பாத்திமா இஷ்ரா பிரிவு மூன்று கட்டுரைப் போட்டியில் முதலாமிடம் பெற்றுள்ளார்.

இவர் 2010 ஆம் ஆண்டு நடைபெற்ற ஐந்தாம் தரப் புலமைப் பரிசில பரீட்சையில் கம்பஹா மாவட்டத்தில் முதலாமிடம் பெற்றவராவார். அத்துடன், மாகாண மட்டத்தில் 2013 ஆம் ஆண்டு நடைபெற்ற சமூக விஞ்ஞானப் போட்டி, 2012 ஆம் ஆண்டு நடைபெற்ற சித்திரப் போட்டி , 2011 ஆம் ஆண்டு நடைப் பெற்ற கணிதப் போட்டி ஆகியவற்றிலும் முதலிடம் பெற்று பாடசாலைக்கு பெருமைத் தேடித் தந்தவராவார்.

செல்வி பாத்திமா இஷ்ராவை தமிழ் மொழித் தினப் போட்டிக்காக ஆசிரியைகளான ரி. சுகந்தினி, ரி. காந்த ரூபி ஆகியோர் பயிற்றுவித்துள்ளனர்.

இவர், கொச்சிக்கடை, போருதொட்டையைச் சேர்ந்த ஆசிரியர் எம்.எம்.எம்.இர்சாட், றிஸ்மியா தம்பதிகளின் சிரேஷ்ட புதல்வியாவார்.