நீர்கொழும்பு தமிழ் மொழிப்பாடசாலை ஆசிரியர்களுக்கான வருடாந்த இடமாற்றல் பட்டியல் அனுப்பி வைப்பு

நீர்கொழும்பு கல்வி வலய தமிழ் மொழி பாடசாலைகளில் பணியாற்றும் ஆசிரியர்கள் சிலருக்கு உள்ளக இடமாற்றங்கள் வழங்கப்பட்டுள்ளன.

 நீர்கொழும்பு வலய கல்விப்பணிப்பாளர் கே.ஏ.சி. பெர்னாந்து  இடமாற்றம் வழங்கப்பட்டுள்ள ஆசிரியர்களின் பெயர்பட்டியல் அடங்கிய கடிதத்தை பாடசாலை அதிபர்களுக்கு அனுப்பி வைத்துள்ளார்.

நீர்கொழும்பு, கட்டானை கல்விக் கோட்டங்களில் உள்ள தமிழ் மொழிப்பாடசாலைகளில் பத்து  வருடங்களுக்கு மேல் பணியாற்றியுள்ள ஆசிரியர்களுக்கும். ஒரே பாடசாலையில் ஐந்து வருடங்களுக்கு மேல் பணியாற்றி இடமாற்றம் கோரியுள்ள ஆசிரியர்கள் சிலருக்குமே  இடமாற்றல்கள் வழங்கப்பட்டுள்ளன.

இந்த ஆசிரியர்கள் நீர்கொழும்ப வலயத்தில் உள்ள விஜயரத்தினம் இந்து மத்திய கல்லூரி , அல்ஹிலால் மத்திய கல்லூரி, வெலிஹேன ரோமன் கத்தோலிக்க தமிழ் வித்தியாலயம், அல்பலாஹ் மகா வித்தியாலயம் , தோப்பு ரோமன் கத்தோலிக்க தமிழ் வித்தியாலயம் ஆகிய பாடசாலைகளுக்கு உள்ளக இடமாற்றங்கள் பெற்றுள்ளனர் .

 மேன்முறையீட்டின் பின்னர் 2016-01-04 அன்று இடமாற்றல் பெற்றுள்ள ஆசிரியர்கள் புதிதாக நியமிக்கப்பட்டுள்ள பாடசாலைகளில் கடமையை பொறுப்பேற்க வேண்டுமென வலய கல்விப்பணிப்பாளரால் பாடசாலை அதிபர்களுக்கு அனுப்பப்பட்டுள்ள கடிதத்தில் குறிப்பிடப்பட்டுள்ளது..