நீர்கொழும்பு வெலிஹேன ரோமன் கத்தோலிக்க தமிழ் வித்தியாலயத்தின் ஒளி விழா

நீர்கொழும்பு வெலிஹேன ரோமன் கத்தோலிக்க தமிழ் வித்தியாலயத்தின் ஒளி விழா கடந்த வெள்ளிக்கிழமை (4-12-2015) அன்று பாடசாலை அதிபர் எம்.இஸட்.ஷாஜஹான் தலைமையில் பாடசாலை மண்டபத்தில் நடைபெற்றது.

நீர்கொழும்பு வலய தமிழ் மொழிப் பாடசாலைகளுக்கான உதவிக் கல்விப் பணிப்பாளர் மஹ்பூப் மரிக்கார் இந்நிகழ்வில் பிரதம அதிதியாகக் கலந்து சிறப்பித்தார். ஆசிரியர் பிலீசியின் நத்தார் தின சிறப்புரை நிகழ்த்தினார்.

 இந்நிகழ்வில் பாடசாலை மட்டத்தில் சிறுவர் உரிமை தொடர்பாக நடத்தப்பட்ட சித்திரப் போட்டியில் வெற்றிபெற்ற மாணவர்களுக்கு பரிசில்கள் வழங்கப்பட்டதுடன் சகல மாணவர்களுக்கும் நத்தார் பரிசுகளும் வழங்கப்பட்டன.  அத்துடன் மாணவர்களின் கலை நிகழ்ச்சிகள்

இடம்பெற்றன.

படங்கள்:

பிரதம அதிதி, பாடசாலை அதிபர், ஆசிரியர் பிலீசியன் ஆகியோர் உரை நிகழ்த்துவதையும், சித்திரப் போட்டியில் வெற்றி பெற்ற மாணவர்களுக்கு பிரதம அதிதி பரிசு வழங்குவதையும்   அதிபர் மற்றும் ஆசிரியர்களால் மாணவர்களுக்கு நத்தார் பரிசு வழங்கப்படுவதையும் மாணவர்களின் கலை நிகழ்ச்சிகளையும் படங்களில் காணலாம்.