தங்கொட்டுவ பொலிஸ் நிலையத்தில் பணியாற்றும் இரண்டு பொலிஸ் உத்தியோகத்தர்கள் வெவ்வேறு இடங்களில் விபத்தில் பலி

 தங்கொட்டுவ பொலிஸ் நிலையத்தில் பணியாற்றும் இரண்டு பொலிஸ் உத்தியோகத்தர்கள் கடந்த வெள்ளிக்கிழமை (25) வௌ;வேறு இடங்களில்  இடம்;பெற்ற விபத்துக்களில்  பலியாகியுள்ளனர்.

ஒரு விபத்து தங்கொட்டுவ, மாவத்தகம, புஜ்ஜம்பொல பிரதேசத்திலும் மற்றைய விபத்து நாரம்மல குருணாகல வீதியில்,மீகஹமுல்ல பிரதேசத்திலும் இடம்பெற்றுள்ளது.

தங்கொட்டுவ பொலிஸ் நிலையத்தில் பணியாற்றும் பொலிஸ் உத்தியோகத்தர்களான வெலிபென்னகஹமுல்ல பிரதேசத்தைச் சேர்ந்த ரத்நாயக்க முதியான்ஸலாகே ஞானவர்தன (53 வயது), குருணாகல, உஹுமீய பிரதேசத்தைச் சேர்ந்த ரணசிங்க ஆராச்சிலாகே அத்துல உபயகீர்த்தி (47 வயது)  ஆகிய இரு பொலிஸ் உத்தியோகத்தர்களே விபத்தில் பலியானவர்களாவர்.

தங்கொட்டுவ, மாவத்தகம,  கர்மான்த்தபுர வீதியில் புஜ்ஜம்பொல பிரதேசத்தில் இடம்பெற்ற விபத்தில் ரத்நாயக்க முதியான்ஸலாகே ஞானவர்தன (53 வயது) என்ற பொலிஸ் உத்தியோகத்தர் பலியாகியுள்ளார். இவர் நத்தார் தின இரவு சேவை முடிவடைந்து மோட்டார் சைக்கிளில் வீடு திரும்பும் போது வீதியோரத்தில் அமைந்திருந்த மின்சார கம்பத்திலும், வடிகானிலும்  மோட்டார் சைக்கிள்; மோதியுள்ளது. படுகாயமடைந்த இவர் தங்கொட்டுவ வைத்தியசாலையில் அனுமதிக்கப்படும் போதும் மரணமடைந்திருந்ததாக தெரிய வருகிறது.

நாரம்மல குருணாகல வீதியில், மீகஹமுல்ல பிரதேசத்தில் இடம்பெற்ற விபத்தில் பொலிஸ் கான்ஸ்டபில் ரணசிங்க ஆராச்சிலாகே அத்துல உபயகீர்த்தி பயணித்த மோட்டார் சைக்கிள்  வீதியோரத்தில் இருந்த மரமொன்றில் மோதியதில் இடம்பெற்ற விபத்தில் அவர் பலியாகியுள்ளார்.

தங்கொட்டுவ பொலிஸ் நிலையத்தில் பணியாற்றும் பொலிஸார் இருவர் ஒரே தினத்தில்  வௌ;வேறு இடங்களில் இடம்பெற்ற வீதி விபத்துக்களில் பலியானமை அங்கு பணியாற்றும் பொலிஸ் உத்தியோகத்தர்களுக்கு   அதிர்ச்சியையும கவலையையும் ஏற்படுத்தியுள்ளது.