நீர்கொழும்பு தளுபத்தை கட்டுவையில் நிர்மாணிக்கப்பட்டுள்ள
விவேகானந்தா பாலர் அறிவாலயத்தின் திறப்பு விழா
இன்று புதன்கிழமை (20-01-2016) காலை விவேகானந்த நலன்புரி நிலையத்தின்
ஏற்பாட்டில் நடைபெற்றது.
கொழும்பு ஸ்ரீராமகிருஷ்ண மிசன் தலைவர்
ஸ்ரீமத் சுவாமி சர்வரூபானந்தா மஹராஜ் பாலர் அறிவலயத்தின் பெயர்படிகத்தை திரை
நீக்கம் செய்து வைத்த பின்னர் பாலர் அறிவாலயத்தை திறந்து வைத்தார்.
அதற்கு முன்னதாக விவேகானந்தா பாலர்
அறிவாலயத்திற்கு அருகில் அமைந்துள்ள தளுபத்தை ஸ்ரீ செந்தூர் முருகன் ஆலயத்தில்
விசேட பூஜைகள் இடம்பெற்றன.
கொழும்பு ஸ்ரீ ராமகிருஷ்ண மிசன் தலைவர் ஸ்ரீமத்
சுவாமி சர்வரூபானந்தா வெலிஹேன ரோமன் கத்தோலிக்க தமிழ் வித்தியாலய அதிபர் எம்.இஸட்.ஷாஜஹான் ஆகியோர் அங்கு இடம்பெற்ற
நிகழ்வில் உரையாற்றினர்.
இந்நிகழ்வில் விவேகானந்த நலன்புரி நிலைய
முக்கியஸ்த்தர்கள் பாலர் அறிவாலய ஆசிரியர்கள்> மாணவர்கள் மற்றும் நலன்விரும்பிகள்
பங்குபற்றினர்.
- எம்.இஸட்.ஷாஜஹான்
No comments:
Post a Comment