மணல் வர்த்தகர் மோட்டார் சைக்கிளில் வந்த இனந்தெரியாத துப்பாக்கிதாரிகளால் சுட்டுக்கொலை

மணல் வர்த்தகத்தில் ஈடுபட்டு வந்த  கோஸ்;வர வியாபாரி ஒருவர் மோட்டார் சைக்கிளில் வந்த இனந்தெரியாத துப்பாக்கிதாரிகளால் சுட்டுக்கொலை  செய்யப்பட்டுள்ளார்.

இச்சம்பவம் நேற்று வெள்ளிக்கிழமை (4)  காலை 8 மணியவில்   மடம்பெல்ல சந்தியருகில் வெலபட பிரதேசத்தில் இடம்பெற்றுள்ளது.

 மடம்பெல்ல> கட்டானை பிரதேசத்தைச் சேர்ந்த  செனவிரத்ன பன்டாரகே நிலந்த சம்பிக்க (41 வயது) என்ற இரு பிள்ளைகளின் தந்தையே படுகொலை செய்யப்பட்டவராவார்.

சம்பவம் தொடர்பாக மேலும் தெரிய வருவதாவது>

 கொலை செய்யப்பட்டவர் மணல் வியாபாரத்தில் ஈடுபட்டுவரும் பிரபல வர்த்தகராவார். இவருக்கு 15 மேற்பட்ட டிப்பர் லொறிகள் உண்டு. சம்பவம் இடம்பெற்ற அன்று காலை இவர் மோட்டார் சைக்கிளில் மணல் தோண்டும் இடத்திற்கு சென்று கொண்டிருக்கும் போது> வெலபட பிரதேசத்தில் வைத்து மோட்டார் சைக்கிளில் வந்த   இரண்டு நபர்கள் துப்பாக்கிப் பிரயோகம் மேற்கொண்டுவிட்டுத்; தப்பிச் சென்றுள்ளனர்.

இச்சம்பவம் தொடர்பாக கொச்சிக்கடை பொலிஸார் விசாரணை மேற்கொண்டுள்ளனர்.