மின் இணைப்பை வழங்கியமைக்காக மேல் மாகாண சபை உறுப்பினர் ஷாபி ரஹீமிற்கு நன்றி தெரிவிக்கும் நிகழ்வு

மேல் மாகாண சபை உறுப்பினர் ஷாபி ரஹீமின் நிதி ஒதுக்கீட்டில் பியகம பிரதேச செயலாளர் பிரிவில் மல்வானை, ஹுல ஹிட்டிவெல பிரதேசத்தில்   'சபா கார்ட்ன்' வீடமைப்புத் தொகுதியில் உள்ள  25 வீடுகளுக்கு  ஐந்து இலட்சம் ரூபா செலவில் புதிதாக மின் இணைப்பு  வழங்கப்பட்டுள்ளது.

 இதற்கு நன்றி தெரிவிக்கும் வகையில் சகோதரர் ஹசன் தம்பான்  தலைமையில் பிரதேச மக்களால்  நிகழ்வொன்று ஏற்பாடு செய்யப்பட்டது.  வைபவத்தில் மேல் மாகாண சபை உறுப்பினர்  ஷாபி ரஹீம் , பியகம பிரதேச சபை உறுப்பினர்  முஹம்மத் ஹசன்  ஆகியோர் அதிதிகளாக கலந்து சிறப்பித்தனர்.

நிகழ்வில் ஸ்ரீலங்கா முஸ்லிம் காங்கிரஸ் அமைப்பாளர் சாபீர் ஹுசைன் உட்பட பிரதேச முக்கியஸ்த்தர்கள் பலர்  கலந்து கொண்டனர்.