சிறுவர் தினத்தையிட்டு புதிய செனிரோ கனவு உலகம் பூங்காவில் பத்து தினங்களுக்கு சிறுவர்கள் மற்றும் பெரியவர்களுக்கு இலவச அனுமதி

அக்டோபர் மாதம் முதலாம் திகதி (October 1^st)  கொண்டாடப்படவுள்ள சர்வதேச சிறுவர் தினத்தையிட்டு  கம்பஹா, மாரபொல,  நைவல பிரதேசத்தில் அமைந்துள்ள புதிய செனிரோ கனவு உலகம் பூங்காவில் பத்து தினங்களுக்கு சிறுவர்கள் மற்றும் பெரியவர்களுக்கு இலவசமாக  அனுமதி வழங்கப்படவுள்ளது.

இதுதொடர்பாக  விளக்கமளிக்கும் ஊடகவியலாளர் மாநாடு சனிக்கிழமை (28-9-2019) நடைபெற்றது.

செனிரோ கனவு உலகம் பூங்காவின் சிரேஸ்ட முகாமையாளர் ஐ.பி. சமருவன் வீரசிங்க  ஊடகங்களுக்கு விளக்கமளிக்கையில் கூறியதாவது,

சர்வதேச சிறுவர் தினத்தையிட்டு எதிர்வரும் அக்டோபர் சர்வதேச மாதம் முதலாம் திகதி முதல் பத்தாம் திகதி வரை சிறுவர்கள் மற்றும் பெரியவர்களுக்கு கனவு உலகம் சிறுவர் பூங்காவிற்கு இலவசமாக அனுமதி வழங்கப்படவுள்ளது. இதன்போது நீர்விளையாட்டுக்கள், நீச்சல்,  சங்கீத நிகழ்ச்சி,  சித்தரப் போட்டி உட்பட பல நிகழ்ச்சிகள்  சிறுவர்களுக்காக ஏற்பாடு செய்யப்பட்டுள்ளன. அத்துடன் பரிசில்களும் வழங்கப்படவுள்ளன. எனவே  கம்பஹா, நைவல, மாரபொலவில் அமைந்துள்ள செனிரோ கனவு உலகம் பூங்காவிற்கு வருகை தந்து சிறுவர்களை மகிழ்ச்சிப்படுத்துமாறு வேண்டுகிறோம்.