நீர்கொழும்பு பெரியமுல்லையில் தீயினால் கடை எரிந்து நாசம்

 நீர்கொழும்பு பெரியமுல்ல பிரதேசத்தில்  துணிகள் விற்பனை  செய்யும் கடையொன்று தீப்பற்றி முற்றாக எரிந்து நாசமாகியுள்ளது.

இச்சம்பவம் இன்று (5) மாலை 4.30 மணியளவில் இடம்பெற்றதாக சம்பவத்தை நெரில் கண்டவர்கள் தெரிவித்தனர்.

நீர்கொழும்பு – சிலாபம் பிரதான வீதியில் சிலாபம் நோக்கி செல்லும் திசையில் அமைந்துள்ள துணிக்கடையே தீ பற்றி எரிந்துள்ளது.

சட்பவம் காரணமாக கடையில் பெரும்பாலான பொருட்கள் தீயில் எரிந்து நாசமாகியள்ளன. அத்துடன் கடைக்கும் பெரிதும் சேதம் ஏற்பட்டுள்ளது.

தீ சம்பவம் ஏற்பட்டவுடன் கடையில் இருந்தவர்களும் பிரதேசவாசிகளும் இணைந்து தீயை அணைக்கும் முயற்சியில் ஈடுபட்டனர். நீர்கொழும்பு மாநகர சபையின் தீயணைப்புப் படைப் பிரிவினர் சம்பவ இடத்திற்கு வந்து தீயை அணைத்தனர்.

தீ ஏற்பட்டதற்கான காரணம் உடனடியாகத் தெரியவில்லை. நீர்கொழும்பு பொலிஸார் இச்சம்பவம் தொடர்பாக விசாரணை மேற்கொண்டுள்ளனர்.