க.பொ.த. சாதாரணதரப் பரீட்சையில் திறமை காட்டிய விஜயரத்தினம் இந்து மத்திய கல்லூரி மாணவர்களுக்கு புலமைப் பரிசில்

கடந்த ஆண்டு இடம்பெற்ற கல்விப் பொதுத்தராதர சாதாரணதரப் பரீட்சையில் அதி திறமை சித்திகளைப் பெற்று உயர்தரத்தில் விஞ்ஞானப் பிரிவில் கல்வி கற்கத் தெரிவாகியுள்ள நீர்கொழும்பு விஜயரத்தினம் இந்து மத்திய கல்லூரி மாணவர்கள் மூவருக்கு கல்லூரியின் காப்பாளர்

ஜெயம் விஜயரத்தினத்தினம் 15 ஆயிரம் ரூபா புலமைப் பரிசில் வழங்கி கௌரவித்துள்ளார்.

இதற்கான காசோலையை பாடசாலையில் இடம்பெற்ற நிகழ்வில் கல்லூரி அதிபர் என் கணேசலிங்கம்; குறித்த மாணவிகளுக்கு காப்பாளர் சார்பில் வழங்கி வைத்தார்.

செல்வி சஞ்சு குலேந்திரன், செல்வி ஞானதர்சனா கணேசலிங்கம் , செல்வி சிந்துஜா கணகநாயகம் ஆகியோரே புலமைப்பரிசில் வழங்கி கௌரவிக்கப்பட்டவர்களாவர்.

படங்களில் புலமைப்பரிசில் பெற்ற மாணவிகள் தமது பெற்றோர் மற்றும் பாடசாலை அதிபர், பாடசாலை அபிவிருத்திச் சபை செயலாளர் ஆகியோருடன் காணப்படுகின்றனர்.