குடிபோதையில் கைகலப்பில் ஈடுபட்ட சிறைச்சாலை உத்தியோகத்தர்கள் மூவர் உட்பட அறுவர் கைது

 

நீர்கொழும்பு கடற்;கரையில் குடிபோதையில் கைகலப்பில் ஈடுபட்ட நீர்கொழும்பு சிறைச்சாலை உத்தியோகத்தர்கள் மூவர் உட்பட அறுவரை கைது செய்துள்ளதாக ஏத்துக்கால  சுற்றுலாத்துறை பொலிஸார் தெரிவித்தனர்.

இச்சம்பவம் நேற்று சனிக்கிழமை மாலை 4 மணியளவில் ஏத்துக்கால  கடற்கரைப் பூங்காவில் இடம் பெற்றுள்ளது.

குடிபோதையில் இருந்த சிறைச்சாலை உத்தியோகத்தர்கள் மற்றொரு தரப்பினருடன் கைகலப்பில் ஈடுபட்டுள்ளதாகவும், இவர்களில் ஒருவர் சிறிய காயங்களுக்கு உள்ளாகியுள்ளதாகவும் பொலிஸார் மேலும் தெரிவித்தனர்.

சந்தேக நபர்கள் சுற்றுலாத்துறை பொலிஸ் நிலைய பொறுப்பதிகாரி அத்துல கமகேயின் உத்தரவின் பேரில் பொலிஸ் சார்ஜன்ட்களான கமல் ,  ஜெயலத் ஆகியோர் உட்பட பொலிஸ் குழுவினரால் கைது செய்யப்பட்டுள்ளனர்.

கைது செய்யப்பட்டுள்ள சந்தேக நபர்கள் நீர்கொழும்பு பொலிஸாரிடம் ஒப்படைக்கப்பட்டுள்ளனர். நீர்கொழும்பு பொலிஸார் சந்தேக நபர்களை நீதிமன்றில் ஆஜர் செய்யவுள்ளதாக தெரிவித்தனர்.