நீர்கொழும்பு விஜயரத்தினம் இந்து மத்திய கல்லூரியில் புதிதாக அமைக்கப்பட்ட கணனிக் கூடத் தொகுதியின் திறப்பு விழா (படங்கள்)

  நீர்கொழும்பு விஜயரத்தினம் இந்து மத்திய கல்லூரியில்  புதிததாக அமைக்கப்பட்ட கணனிக் கூடத் தொகுதி  இன்று புதன்கிழமை (25-5-2016) சட்டம் ஒழுங்கு மற்றும் தென்பகுதி அபிவிருத்தி அமைச்சர் சாகல ரட்நாயக்கவினால் திறந்து வைக்கப்பட்டது.

இந்நிகழ்வில் கல்லூரியின் காப்பாளர் திருமதி யோகேஸ்வரி விஜயரத்தினம் பிரதம விருந்தினராகவும், நீர்கொழும்பு வலயக் கல்விப் பணிப்பாளர் கே.ஏ.சி. பெர்னாந்து , கல்லூரி அதிபர் புவனேஸ்வரராஜா, தொழிலதிபர் பி. பரத்குமார் ஆகியோர் சிறப்பு விருந்தினர்களாகவும் கலந்து சிறப்பித்தனர். நிகழ்வில் கலை நிகழ்ச்சிகள் இடம்பெற்றதுடன் தரம் 5 புலமைப் பரிசில் பரீட்சையில் திறமை காட்டிய மாணவர்களுக்கு பரிசில்கள் வழங்கப்பட்டன.

35 இலட்சம் ரூபா செலவில் விஜயரத்தினம் இந்து மத்திய கல்லூரியின் பழைய மாணவர் மன்றத்தினால் கணனிக் கூடத் தொகுதி  அமைக்கப்பட்டுள்ளமை குறிப்பிடத்தக்கது. 

செய்தி - எம்.இஸட்.ஷாஜஹான்