Animation

News Podcast

Entertainment

வீடியோ

Wednesday, November 22, 2017

மத்திய வங்கி பிணை முறி தொடர்பாக நான்தான் முதன் முதலாக இலஞ்ச ஊழல் ஆணைக் குழுவுக்கு முறைப்பாடு செய்தேன். - மீன்பிடித்துறை அமைச்சர் மஹிந்த அமரவீர

மத்திய வங்கி பிணை முறி தொடர்பாக நான்தான் முதன் முதலாக இலஞ்ச ஊழல் ஆணைக் குழுவுக்கு முறைப்பாடு செய்தேன். மக்கள் ஊழல் அற்ற ஆட்சியையே எதிர்ப்பார்க்கிறார்கள். வரலாற்றில் முதல் தடைவையாக ஜனாதிபதி அவர்கள் அதிகாரமிக்க ஆணைக் குழுவொன்றை நியமித்துள்ளார்;. இதன்மூலமாக பல்வேறு விடயங்கள் வெளியாகி வருகின்றன என்று மீன்பிடித்துறை அமைச்சர் மஹிந்த அமரவீர தெரிவித்தார்.
  நீர்கொழும்பு பலகத்துறை பிரதேசத்தில்  மீனவர்களுக்கான  மீனவ சமூக  மத்திய நிலையம்    ஒன்றை மீன்பிடித்துறை அமைச்சர் மஹிந்த அமரவீர இன்று  செவ்வாய்க்கிழமை (21) மாலை திறந்து வைத்த பின்னர் ஊடகங்களுக்கு கருத்து தெரிவிக்ககையிலேயே இவவாறு தெரிவித்தார்.
இந்நிகழ்வில் ஸ்ரீலங்கா சுதந்திர கட்சியின் நீர்கொழும்;பு அமைப்பாளர் லலித் டென்ஸில், நாரா நிறுவனத்தின் அதிகாரிகள், முன்னாள் மாநகர சபை உறுப்பினர்கள் உட்பட பலர் கலந்து கொண்டனர்.

11 வயது மாணவனின் கன்னத்தில அறைந்து காயம் ஏற்படுத்திய ஆசிரியர் கைது: நீர்கொழும்பில் சம்பவம்

நீர்கொழும்பு கல்வி வலயத்தில் உள்ள தேசிய பாடசாலையைச்; சேர்ந்த 11 வயதுடைய மாணவன் ஒருவரை தாக்கியசம்பவம் தொடர்பாக ஆசிரியர் ஒருவர் நேற்று (21) நீர்கொழும்பு  பொலிஸாரினால் கைது செய்யப்பட்டுள்ளார்.
 கொட்டதெனியாவ பிரதேசத்தில் வசிக்கும் விஞ்ஞான பாட ஆசிரியரே சந்தேகத்தின் பேரில் கைதுசெய்யப்பட்டுள்ளவராவார்.
சம்பவம் தொடர்பாக மேலும் தெரியவருவதாவது
கடந்த 15 ஆம் திகதி தரம் ஆறில் கற்கும் மாணவர்கள் சிலருக்கிடையில் நண்பகல் வேளையில் சிறு பிரச்சினை ஏற்பட்டுள்ளது. கைது செய்யப்பட்டுள்ள ஆசிரியர் அதனை விசாரிக்க சென்ற வேளையில் குறித்த மாணவனின்கன்னத்தில் அறைந்துள்ளார்.

நீர்கொழும்பு அல்-ஹிலால் மத்திய கல்லூரியின் பழைய மாணவர் சங்கத்தின் பொதுக்கூட்டமும் புதிய அங்கத்தவர்கள் தெரிவும்


நீர்கொழும்பு அல்-ஹிலால் மத்திய கல்லூரியின்  பழைய மாணவர்களின் வருடாந்த பொதுக்கூட்டம்  மற்றும் புதிய அங்கத்தவர்கள் தெரிவு  கல்லூரி மண்டபத்தில் அதிபர் எம். எம். எம். இர்ஷாட் தலைமையில் ஞாயிற்றுக்கிழமை  (19-11-2017) இடம்பெற்றது.
 பாடசாலையின் கடந்த வருடத்தில் முன்னெடுக்கப்பட்ட கல்வி அபிவிருத்திப் பணிகள் பற்றியும் எதிர்காலத்தில் முன்னெடுக்க வேண்டியுள்ள முக்கிய பணிகள் சம்பந்தமாகவும் அங்கு ஆராயப்பட்டன.  இதேவேளை புதிய அங்கத்தவர் தெரிவு நிகழ்வும் இங்கு இடம்பெற்றது.
  பழைய மாணவர் சங்கத்தின்  புதிய நிருவாக அங்கத்தவர்கள் வருமாறு

Monday, November 6, 2017

நீர்கொழும்பிலும் பெற்றோலுக்கு நீண்ட வரிசை: மக்கள் விசனம் தெரிவிப்பு

 நீர்கொழும்பு நகரிலும் அதனை அண்டிய பிரதேசங்களிலும் பெற்றோலுக்கு  பெரும் தட்டுப்பாடு நிலவுகிறது. நீர்கொழும்பு கொப்பரா சந்தியில் அமைந்துள்ள எரிபொருள் நிரப்பு நிலையத்தில் மக்கள் பெற்றோலை பெறுவதற்காகன நீண்ட வரிசையில் நிற்கின்றனர்.
இன்று முற்பகல் தளுபத்தை பிரதேசத்தில் உள்ள எரிபொருள் நிரப்பு நிலையத்தில் பெற்றோல் விநியோகம் ஆரம்பமானது.  நகரவாசிகள் மட்டுமன்றி தூர இடங்களிலிருந்தும் பெற்றோலை கொள்வனவு செய்வதற்காக வாகன சாரதிகள் வருகை தருவதன் காரணமாக இந்த இரண்டு நிரப்பு நிலையங்களிலும் மக்கள் நீண்ட கியூவில் நின்றனர்.

Saturday, October 28, 2017

நீர்கொழும்பு மாரிஸ்டெல்லா கல்லூரியில்; 1992 ஆம் ஆண்டு கல்வி பயின்று விலகியவர்களின் வெள்ளி விழா நிகழ்வு

நீர்கொழும்பு மாரிஸ்டெல்லா கல்லூரியில்  (Maristella College) 1992 ஆம்  ஆண்டு கல்வி பயின்று விலகியவர்களின் குழுவுக்கு 25 ஆண்டுகள் நிறைவடைவதையிட்டு  வெள்ளி விழா  நிகழ்வாக பல்வேறு  வேலைத்திட்டங்கள் மேற்கொள்ளப்படவுள்ளன.
இதுதொடர்பாக விளக்கமளிக்கும் ஊடக சந்திப்பு நேற்று வெள்ளிக்கிழமை (27-10-2017) இரவு நடைபெற்றது.

நீர்கொழும்பு துங்கல்பிட்டியவில் புதிய பொலிஸ் நிலையம் திறந்து வைப்பு

நீர்கொழும்பு பிராந்திய பொலிஸ் அத்தியட்சகர் பிரிவிற்குட்பட்ட துன்கல்பிட்டிய பிரதேசத்தில் (27-10-2017) அன்று வெள்ளிக்கிழமை காலை புதிய பொலிஸ் நிலையம் ஒன்று திறந்து வைக்கப்பட்டது.
நாடு முழுவதும் 491 புதிய பொலிஸ் நிலையங்களை திறந்து வைக்கும் வேலைத்திட்டத்தின் கீழ் 491 ஆவது பொலிஸ் நிலையமாக இந்த பொலிஸ் நிலையம் திறந்து வைக்கப்பட்டது.
மேல் மாகாண வடக்குக்கு பகுதிக்கு பொறுப்பான  சிரேஸ்ட பிரதிப் பொலிஸ் மா அதிபர் நந்தன முனசிங்க புதிய பொலிஸ் நிலையத்தை திறந்து வைத்தார்.

Tuesday, October 17, 2017

நீர்கொழும்பு கோயில்களில் தீபாவளி விசேட பூஜை (Photos)

 நீர்கொழும்பு நகரில் வாழும் தமிழ் மக்கள் இன்று (18) தீபாவளி பண்டிகையை அமைதியான முறையில்  கொண்டாடுகின்றனர்.
நகரில் உள்ள கோயில்களில் இன்று காலை விசேட பூஜைகள் இடம்பெற்றன. இதில் பெரும் எண்ணிக்கையானோர் பங்குபற்றினர்.
நீர்கொழும்பு கடற்கரைத் தெருவில் அமைந்துள்ள ஸ்ரீ சித்தி விநாயகர் ஆலயத்தில் சிவஸ்ரீ குகேஸ்வர குருக்கள்  தலைமையில் விசேட பூஜைகள் இடம்பெற்றன. கடற்கரைத் தெரு

Wednesday, October 11, 2017

நீர்கொழும்பு வெலிஹே ரோமன் கத்தோலிக்க தமிழ் வித்தியாலயத்தின் ஆசிரியர் தின விழா

நீர்கொழும்பு வெலிஹேன ரோமன் கத்தோலிக்க தமிழ் வித்தியாலயத்தின் ஆசிரியர் தின விழா   பாடசாலை அதிபர் எம்.இஸட். ஷாஜஹான் தலைமையில் இன்று புதன் கிழமை (11-10-2017) பாடசாலை மண்டபத்தில் நடைபெற்றது.
இந்நிகழ்வில் ஆசிரியர்களினதும் மாணவர்களினதும் கலை நிகழ்ச்சிகள்  இடம்பெற்றதுடன் ஆசிரியர்களை இரு குழுக்களாகப் பிரித்து நடத்தப்பட்ட பாட்டுக்குப் பாட்டு நிகழ்ச்சி, இசைக் கதிரை நிகழ்ச்சி உட்பட பல்வேறு விநோத விளையாட்டு  நிகழ்ச்சிகள் என்பனவும் இடம்பெற்றன.

Saturday, October 7, 2017

நீர்கொழும்பு சிறைச்சாலையில் கைதி மரணமான சம்பவம் திவுலபிட்டி பொலிஸ் நிலையத்தின் பதில் பொறுப்பதிகாரிக்கு 10 ஆம் திகதி வரை விளக்கமறியல்

நீர்கொழும்பு சிறைச்சாலையில்  திடீரென்று சுகயீனமுற்று வைத்தியசாலையில் அனுமதிக்கப்பட்ட நிலையில் மரணமான கைதி ஒருவரின் மரணம் தொடர்பாக கைது செய்யப்பட்ட திவுலபிட்டி பொலிஸ் நிலையத்தின்  பதில் பொறுப்பதிகாரி இன்று நீர்கொழும்பு மஜிஸ்ட்ரேட் நீதிமன்றில்  பலத்த பாதுகாப்புக்கு மத்தியில் ஆஜர் செய்யப்பட்ட போது சந்தேக நபரை எதிர்வரும் 10 ஆம் திகதி வரை (10-10-2017) விளக்கமறியலில் வைக்குமாறு நீர்கொழும்பு மஜிஸ்ட்ரேட் ருச்சிர வெலிவத்த நேற்று (6) உத்தரவிட்டார்.
பதில் குற்றவியல் பொறுப்பதிகாரி சமன் பிரியங்க என்ற பொலிஸ் அதிகாரியே இவ்வாறு விளக்கமறியலில் வைக்குமாறு உத்தரவிடப்பட்டவராவார்.

நீர்கொழும்பு தமிழ் மொழிப் பாடசாலைகளில் இடம்பெற்ற உணவு உற்பத்தி வார நிகழ்வு

தேசிய உணவு உற்பத்தியை மேம்படுத்தும் உணவு உற்பத்தி வாரம் நேற்று ஜனாதிபதியினால் ஆரம்பித்து வைக்கப்பட்டது.
இன்று சனிக்கிழமை (7) நாட்டில் உள்ள அரசாங்க பாடசாலைகளில் உணவு உற்பத்தி வாரத்தையிட்டு நிகழ்வுகள் இடம் பெற்றன. நீர்கொழும்பு விஜயரத்தினம் இந்து மத்தியக் கல்லூரி , வெலிஹேன ரோமன் கத்தோலிக்க தமிழ் வித்தியாலயம் என்பவற்றில் பாடசாலை அதிபர்கள் தலைமையில் நிகழ்வு இடம்பெற்றது.

Friday, October 6, 2017

தரம் ஐந்து புலமைப் பரிசில் பரீட்சையில் அகில அலங்கை ரீதியில் முதலாமிடம் பெற்ற ஹரிச்சந்திர தேசிய பாடசாலை மாணவன் தினுக கிசன் குமார

தரம் ஐந்து புலமைப் பரிசில் பரீட்சையில்; 198 புள்ளிகளைப் பெற்று அகில அலங்கை ரீதியில் நீர்கொழும்பு  ஹரிச்சந்திர தேசிய பாடசாலை மாணவன்  டப்ளியு. கே. தினுக கிசன் குமார (10 வயது) என்ற முதலாமிடம் பெற்றுள்ளார்.
நீர்கொழும்பு  கட்டுவை பிரதேசத்தைச் சேர்ந்த வசநத குமார், எச்.பி. கிரிசாந்தி சிரோமளா ஆகியோரின் புதல்வாரன  ந்த மாணவன் படிப்பில் மட்டுமன்றி இணைப்பாடவிதான செயற்பாடுகளிலும் திறமை காட்டி வருபவராவார்.

சிறைச்சாலையில் கைதி மரணமான சம்பவம் திவுலபிட்டி பொலிஸ் நிலையத்தின் பதில் பொறுப்பதிகாரிக்கு 10 ஆம் திகதி வரை விளக்கமறியல்

 
நீர்கொழும்பு சிறைச்சாலையில்  திடீரென்று சுகயீனமுற்று வைத்தியசாலையில் அனுமதிக்கப்பட்ட நிலையில் மரணமான கைதி ஒருவரின் மரணம் தொடர்பாக கைது செய்யப்பட்ட திவுலபிட்டி பொலிஸ் நிலையத்தின்  பதில் பொறுப்பதிகாரி இன்று நீர்கொழும்பு மஜிஸ்ட்ரேட் நீதிமன்றில்  பலத்த பாதுகாப்புக்கு மத்தியில் ஆஜர் செய்யப்பட்ட போது சந்தேக நபரை எதிர்வரும் 10 ஆம் திகதி வரை (10-10-2017) விளக்கமறியலில் வைக்குமாறு நீர்கொழும்பு மஜிஸ்ட்ரேட் ருச்சிர வெலிவத்த இன்று (6) உத்தரவிட்டார்.
பதில் குற்றவியல் பொறுப்பதிகாரி சமன் பிரியங்க என்ற பொலிஸ் அதிகாரியே இவ்வாறு விளக்கமறியலில் வைக்குமாறு உத்தரவிடப்பட்டவராவார்.

Monday, October 2, 2017

நீர்கொழும்பு வெலிஹேன ரோமன் கத்தோலிக்க தமிழ் வித்தியாலயத்தின் சிறுவர் தின விழா (PHOTOS)

நீர்கொழும்பு வெலிஹேன ரோமன் கத்தோலிக்க தமிழ் வித்தியாலயத்தின் சிறுவர் தின விழா இன்று திங்கட்கிழமை (2-10-2017)  அதிபர் எம். இஸட். ஷாஜஹான் தலைமையில் பாடசாலை மண்டபத்தில் நடைபெற்றது.
நீர்கொழும்பு கல்வி வலயத்தினால் பாடசாலை இணைப்பாளராக நியமிக்கப்பட்டுள்ள செல்வி காயத்ரி கௌசல்யா நிகழ்வில் பிரதம விருத்தினராக கலந்து சிறப்பித்தார்.
அதிபர் தலைமை உரை நிகழ்த்தினார். ஆசிரியை எம். நேசமலர் சிறுவர் தினம் தொடர்பாக சிறப்புரையாற்றினார்.

Friday, September 22, 2017

இரு கிராம சேவகர் பிரிவுகளின் வழக்குகளை நீர்கொழும்பு நீதிமன்றத்திலிருந்து மாற்றி மினுவாங்கொடை நீதிமன்றில் விசாரணை செய்வதற்கு நடவடிக்கை எடுத்தமைக்கு சட்டத்தரணிகள் சங்கத்தினர் எதிர்ப்பு

கட்டுநாயக்க விமான நிலையம் அமைந்துள்ள கிராம சேவகர் பிரிவு உட்பட இரண்டு கிராம சேவகர் பிரிவுகளில் உள்ள வழக்குகளை நீர்கொழும்பு நீதிமன்றில் விசாரணை செய்யாமல் மினுவாங்கொடை நீதிமன்றில் விசாரணை செய்வதற்கு கடந்த செவ்வாய்க்கிழமை (19-9-2017) முதல் எடுக்கப்பட்டுள்ள நடவடிக்கைக்கு எதிராகவும் இதனை மேற்கொள்வதற்கு  நடவடிக்கை எடுத்த முன்னாள் நீதி அமைச்சர் விஜயதாச ராஜபக்ஷவுக்கு எதிராகவும் வியாழக்கிழமை (21) நீர்கொழும்பு சட்டத்தரணிகள் சங்கத்தினர்   ஊடகவியலாளர் மாநாட்டை நடத்தினர்.

நிறுவனத்தின் களஞ்சியசாலையிலிருந்து 42 இலட்சம் ரூபா பெறுமதியான செல்லிடத் தொலைபேசிகள் மற்றும் மடிக் கணனிகளை திருடிய பாதுகாப்பு உத்தியோகத்தர், களஞ்சியசாலை பொறுப்பாளர் கைது: பொருட்கள் மீட்பு

சீதுவை லியனகேமுல்ல பிரதேசத்தில் உள்ள பிரபல இலத்திரனியல் மற்றும் பொருள் விற்பனை நிலையம் ஒன்றில் 42 இலட்சம் ரூபா பெறுமதியான செல்லிடத் தொலைபேசிகள் மற்றும் மடிக் கணனிகளை திருடிய இருவரை   நீர்கொழும்பு பிராந்திய விசேட குற்ற விசாரணைப் பிரிவு பொலிஸார்  (21) கைது செய்துள்ளனர்.
சந்தேக நபர்களால் திருடப்பட்ட அதிக பெறுமதியுடைய 43 செல்லிடத் தொலைபேசிகளையும் இரண்டு மடிக் கணனிகளையும் பொலிஸார் கைப்பற்றியுள்ளனர்.